...

Bakıda Mərkəzi Asiya ölkələri və Azərbaycan üçün xarici borclar mövzusunda seminar keçirilir

Biznes və iqtisadiyyat xəbərləri Materials 6 Dekabr 2005 15:26 (UTC +04:00)

Bakıda Mərkəzi Asiya ölkələri və Azərbaycan üçün "Xarici borcun statistikası və borcun sabitliyinin təhlili" mövzusunda regional seminar işinə başlayıb. Trend in xəbər verdiyi kimi, İsveçrə hökumətinin texniki yardım qrantının hesabına maliyyələşən seminar Beynəlxalq Valyuta Fondunun təşkilati dəstəyilə keçirilir.

Tədbir 5 gün davam edəcək. O, BVF-nin Məpkəzi Asiya ölkələri və Azərbaycana dövlət borcununun idarə olunması üzrə texniki yardım layihəsi tərəfindən təşkil olunmuş 6-cı seminardır. Bu seminarın fərqli cəhəti iştirakçıların dəyirmi masa arxasında aparılan müzakirələrdə iştirak etməklə bütün tədbir boyu fəal rol oynaya bilməsindən ibarətdir.

Seminarın keçirilməsində əsas məqsədlərdən biri də iştirakçı ölkələrdə xarici borclara dair məlumatların keyfiyyətini, dövlətin fiskal siyasəti və xarici mənbələr vasitəsilə dövlət büdcəsinin kəsirinin maliyyələşməsi də daxil olmaqla, borcun sabitliyini təsir göstərən məsələlərin iştirakçılar tərəfindən başa düşülməsinin yaxşılaşdırılması yollarının, həmçinin, Mərkəzi Asiya ölkələri və Azərbaycanda sabitlik məsələsilə bağlı müəyyən çətinlik və problemlərin müzakirə edilməsidir.

Seminarın işində iştirak etmək üçün BVF-nin müşaviri və dövlət borcunun idarə olunması üzrə texniki yardımın regional əlaqələndiricisi Qolam Azərbaycani, İsveçrənin Seco iqtisadi əməkdaşlıq ofisinin nümayəndəsi Tomas Meyer, Dünya Bankının aparıcı iqtisadçısı Sergey Şatalov və digərləri Bakıdadır.

Xəbər lenti

Xəbər lenti