Almaniyanın Yenidənqurma Bankı KfW Azərbaycan hökumətindən Gəncədə və Şəkidə su şəbəkələrinin bərpası layihəsi üzrə müqavilənin bağlanması prosesini sürətləndirməyi xahiş edib. Bu barədə Trend ə hökumətdən məlumat verilib. Bu barədə bank Azərbaycan tərəfinə göndərdiyi məktubda bildirib.
Bunun üçün qalan iki məsələni həll etmək zəruridir. İlk növbədə, layihənin rentabelli olması üçün Gəncədə və Şəkidə su tariflərinin təqribən iki dəfə artırılması təklif olunur. Bu şəhərlərdə suya görə ödəniş paytaxtda müyəyyən olunandan fərqlənir. Belə ki, bu regionların əhalisinin 1 kub sm üçün yalnız 100 manat ödədikləri halda Bakıda bu tarif 320 manata qədərdir. Bu tədbirlərin müəyyən edilməsi su şəbəkələrinə öz itkilərini özlərinin ödəməsinə imkan verir. Çünki sudan istifadəçyə görə vəsaitin toplanması əmsalı çox aşağıdır. Alman bankı tarifləroi 2-3 il ərzində qaldırmağı təklif edir. Hökumətdə həmin artırmaların mütəmadi olaraq aparılması barədə razılıq var.
İkinci həll olunmamış məsələ layihənin əhatə dairəsi (o cümlədən, Şəki üzrə) ilə bağlıdır. Layihənin texniki-iqtisadi əsasları hazırlanması gedişində ehtiyatların məhdudluğu üzündən tədqiqatlar yalnız Şəkidə paylama şəbəkəsinin 53% -ni əhatə edib. Bu, bir neçə il bundan əvvəl regionda iki sü təchizatı idarəsinin - şəhər və kənd - olması ilə əlaqədardır. Lakin "Azərsu"nun əsasnaməsində vahid Şəki şəbəkəsi gösitərilib ki, oraya müvafiq olaraq bir vaxtlar kənd su idarəsinə daxil olan 66 kənd daxildir.
Müvafiq dövlət orqanları - Maliyyə Nazirliyi, İqtisadi İnkişaf və Ədliyyə Nazirlikləri və "Azərsu" gələn həftənin əvvəlinə kimi bu məsələlərin həlli ilə bağlı öz təkliflərini verməlidirlər.
