2006-cı il üçün tədbirlər planını müəyyən etmək üçün Dövlət Əmlak Komitəsində komitənin yüksək vəzifəli şəxslərinin və ayrı-ayrı rayonlar üzrə rəhbərlərinin iştirakı ilə iclas keçirilib. Komitədən Trend ə verilən məlumata görə, planın hazırlanması Dövlət Komitəsinin əsasnaməsində müəyyən edilən funksiya və səlahiyyətlərin səmərəli və operativ yerinə yetirilməsinin təmin olunması məqsədi daşıyır.
Tədbirlər planında müəyyən edilən prioritet istiqamətlərdən biri ölkədə kiçik özəlləşdirmənin başa çatmasının sürətləndirilməsi, dövlət müəssisələri bazasında səhmdar cəmiyyətlərin yaradılması, icarəyə verilmiş dövlət obyektlərinin və eləcə də torpaq sahələrinin özəlləşdirilməsidir. Azərbaycanda özəlləşdirmə başlanandan (1996-cı ildən) bəri 34 min, ötən il isə 1700 kiçik müəssisə özəlləşdirilib. Kiçik müəssisələrin özəlləşdirilməsi prosesinin özəlləşdirilməsi prosesini müəyyən etmək mümkün deyil. Çünki iri müəssisələrin özəlləşdirilməsi nəticəsində yeniləri yaranır və onların bazasındakı xidməi sahəsindəki obyektlər onlardan ayrılır.
1996-cı ildən dövlət müəssisələrinin bazasında 1500 səhmdar cəmiyyət yaranıb.
Dövlət Komitəsinin əməkdaşları qarşısında dövlət əmlakının səmərəli sə məqsədəyönlü istifadəsinin təmin edilməsi, əmlakın qanunsuz
mənimsənilməsi , torpaq sahələrindən qanunsuz istifadə hallarının aradan qaldırılması kimi vəzifələr qoyulub.
Müzakirələrinin yekunlarına görə 2006-cı il üzrə tədbirlər planı Dövlət Əmlak Komitəsinin sədri tərəfindən təsdiqlənib.
