Qazaxıstanın "TuranAlem" (TAB) bankı iştirak payının alınması ilə bağlı Azərbaycan bankları ilə apardığı danışıqları dondurub. TAB-ın Bakı nümayəndəliyinin rəhbəri Aida Sultanovanın Trend ə verdiyi məlumata görə, bu, Qrazaxıstan bankına Azərbaycanda fəaliyyət göstərilməsi üçün məsələnin həll olunmaması ilə bağlıdır.
"Bununla əlaqədar, hətta konkret olaraq danışıqların aparıldığı bankların dairəsi haqqında danışmaq belə tezdir. Hazırki proses dondurulub", - deyə nümayəndəliyin rəhbəri bildirib.
Nümayəndəliyini rəsmi açılış mərasimi avqustda keçirilib. Lakin bank hələ AMB-nın icazəsini gözləyir. İlkin olaraq TAB yerli banklarla iştirak payının alınması barədə danışıqlar aparsa da, lakin icazəinin yubanmsası ilə bağlı dayandırılıb. Birinci mərhələdə "TuranAlem" bankı gələcəkdə nəzarət zərfinə qədər genişləndirməklə zərflərin 10% -ə qədərini almağı planlaşdırırdı.