Aprelin 29-da Bakıda keçirilən İqtisadi əməkdaşlıq üzrə Azərbaycan-Qazaxıstan hökumətlərarası komissiyasının qərarı ilə Azərbaycanın və Qazaxıstanın Maliyyə Nazirliklərinə və Milli Banklarına ödəniş müddəti 2007-ci il olan 8,5 mln. dollar məbləğində Azərbaycan hökumətinə faizsiz dövlət kreditinin yenidən rəsmiləşdirilməsi barədə razılaşmanın hazırlanması və razılaşdırılması üçün 3 ay müddətinə vaxt verilib.
Trend in verdiyi məlumata görə, borcun digər $8,4 mln hissəsi təsərrüfat subyektləri səviyyəsində nizamlanacaq. Eyni zamanda, hər iki ölkənin Milli Bankları tərəfindən bu borcları yaradan ticari-iqtisadi subyektlərin aşkar olunması tapşırılıb.