Azərbaycan İnvestisiyaların Təşviqi və İxrac Fondunun (AzPROMO) Müşahidə Şurasının iclası iyulun 7-nə təyin olunub. Bu barədə Trend ə eksklüziv olaraq AzPROMO prezidenti Emil Məcidov bildirib.
Görüşdə MŞ-nin tərkibi elan olunacaq, fondun bütün iştirakçıları üçün üzvlük haqqının ölçüsünün təsdiqlənməsi nəzərdə tutulur. Üzvlük haqqının ölçüsü təqribən 2,5 min manat təşkil edəcək. Müşahidə Şurasının tərkibi 7 nəfərdən formalaşdırılacaq.
Onun sözlərinə görə, AzPROMO Hamilər Şurasının iclası iyuldan tez keçirilməyəcək. Burada yeni üzvlərin qəbulu ilə bağlı məsələ həll olunacaq.
Bu gün Hamilər Şurasının tərkibinə 59 üzv daxildir. Bunun 6-sı Şuranın 17 yanvar 2006-cı il tarixli sonuncu iclasında qoşulub.
