...

İqtisadi İnkiaşf Nazirliyi "Neft məhsullarının ixracı haqqında" qanun layihəsi hazırlayır

Biznes və iqtisadiyyat xəbərləri Materials 31 May 2006 17:53 (UTC +04:00)

Trend-i buradan izləyin

İqtisadi İnkişaf Nazirliyi Azərbaycanda qeydiyyatdan keçmiş və ölkə hüdudlarından kənarda əməliyyat aparan xarici şirkətlərin vergi yükünü azaltmağa imkan verən "Neft məhsullarının ixracı haqqında" qanun layihəsini müzakirə üçün müvafiq nazirlik və qurumlara təqdim edib.

Hökumətdən Trend ə verilən məlumata əsasən, qanun layihəsi BosShelf və Maersk şirkətlərinin ölkə hüdudlarından kənarda gerçəkləşdirilən regional layihələrdə iştirak üçün güzəştlərin verilməsi haqqında irəli sürdüyü təklifləri əsasında hazırlanıb. Neft-qaz əməliyyatlarına cəlb olunmuş bu və ya digər şirkətin fəaliyyətinə xüsusi vergi qoyma rejimi tətbiq olunur. Lakin Azərbaycandakı layihələrin yaxın vaxtlarda başa çatacağı ilə əlaqədar bir sıra şirkətlər Qazaxıstandan sifariş alır.

BosShelf və Maersk hökumətdən ƏDV, gəlir və mənfəət vergilərindən azad olunmasını xahiş edib. Bu vergi güzəştləri qanun layihəsinin ilk variantına daxil edilib, lakin 2-ci veriant güzəştlər baxımından müəyyən qədər fərqlənir. İlkin variantda şirkətlər üçün mənbədə 5-6% həcmində verginin qoyulması nəzərdə tutulmuşdur. Belə şirkətlər torpaq və əmlak vergisi də ödəyəcək. Gəlirlik göstəricisi sənəddə 20% səviyyəsində müəyyən edilib. Azərbaycan hökumətində hesab edirlər ki, bu qanun layihəsinə bir daha dəyişikliklər edilə bilər.

Xəbər lenti

Xəbər lenti