Azərbaycanın Dövlət Baytarlıq xidməti bioloji preparatların alışı üzrə tenderin baş tutmadığını bildirib
Kənd Təsərrüfatı Nazirliyi yanında Dövlət Baytarlıq xidməti epizootiya ilə mübarizə çərçivəsində bioloji preparatların alışı üzrə tenderin baş tutmadığını bildirib. Bu barədə Trend ə Dövlət xidmətindən xəbər veriblər.
Tenderdə yalnız 2 şəxs iştirak edib, "Dövlət alışları haqqında" qanunun 11-ci maddəsində isə deyilir ki, tenderdə iştirak etmək üçün tender təklifi təqdim etmiş iddiaçıların sayı üçdən azdırsa, alış təşkilatı tender təklifindən imtina edir.
"Bu o demək deyil ki, diaqnostikumlar alınmayacaq. Bu çox vacibdir və analoji tədbir hər il keçirilir. Preparatlar Kənd Təsərrüfatı Nazirliyi tərəfindən müəyyən olunacaq başqa yolla alına bilərlər", - deyə dövlət xidmətində bildiriblər.
