Oğuz-Qəbələ-Bakı su kəmərinin çəkiliş layihəsinin texniki-iqtisadi əsaslandırılmasının hazırlığı başa çatır. Trend xəbər verir ki, bu barədə bu gün Ekologiya və Təbii Sərvətlər Nazirliyinin ekologiya və təbiətin mühafizəsi üzrə siyasət şöbəsinin başçısı Arif İsgəndərov bildirib.
Onun sözlərinə görə, hazırda Ekologiya Nazirliyinin mütəxəssisləri Oğuz-Qəbələ zonasında geoloji-kəşfiyyat və sərvətlərin qiymətləndirilməsi üzrə işlər görüləcək. 264 km uzunluğu və 2 m diametri olan su kəməri ilə saniyədə 3 kubmetr su Bakıya tədarük ediləcək. Bu məqsədlə təxminən 100 artezian quyusunun qazılması nəzərdə tutulub.
Dəniz səviyyəsindən 450-500 metr yüksəklikdə yerləşən bu zonada istismar yeraltı su ehtiyatları 15 m3/san-dən çoxdur.
Su kəmərinin marşrutu Oğuz-Qəbələ ərazisindəki su anbarından keçəcək və Çarxana-Göyçay-Ağsu-Udullu ərazisindən keçəcək. Onun ümumi uzunluğu 280 km təşkil edəcək. Su kəməri üzrə tikinti işlərinin ilin sonunadək başlanması və 2008-ci ildə istismara verilməsi planlaşdırılır.
Bakı şəhərinin sü təchizatının yaxşılaşdırılması üçün Oğuz-Qəbələ zonasından su kəmərinin çəkilişi haqqında sərəncam 2002-ci ilin dekabr ayında prezident Heydər Əliyev tərəfindən qəbul olunub. Sərəncam çərçivəsində Azərsu SC tərəfindən mənbədə su ehtiyatlarının dəqiqləşdirilməsi üzrə işlər görülüb, Ekologiya və Təbii Sərvətlər Nazirliyi tərəfindən hidrogeoloji tədqiqatlar həyata keçirilib.
1 sentyabr 2005-ci ildə ölkə prezidentinin yanında keçirilən toplantıda Oğuz-Qəbələ-Bakı su kəmərinin çəkilişi qərara alınıb və TİƏ-nin hazırlanması üçün sərəncam verilib. Bu işlə Almaniyanın CES Consulting Engineers şirkəti məşğul olur.
