...

AYİB ADDY üçün növbəti kreditin nəzərdən keçirilməsi vaxtını dəyişib

Biznes və iqtisadiyyat xəbərləri Materials 25 Avqust 2006 13:53

Trend-i buradan izləyin

Azərbaycanın dəmir yolunun lokomotiv təsərrüfatının yaxşılaşdırılması üçün 50 mln. ABŞ dolları məbləğində kreditin Avropa Yenidənqurma və İnkişaf Bankının (AYİB) Direktorlar Şurasında təsdiqi noyabrın 7-dən dekabrın 5-nə keçirilib. Bu barədə Trend Avropa bankının məlumatına istinadən xəbər verir. Əvvəl bu tarix oktyabrın 17-dən noyabrın 7-ə keçirilmişdi.

AYİB-in 50 mln. ABŞ dolları məbləğində krediti iki tranşda alınacaq. Birinci tranş lokomotivlərin tikintisi üçün nəzərdə tutulub. Bu məqsədlər üçün Avropa bankı 27 mln. ABŞ dolları ayıracaq. 23 mln. ABŞ dolları məbləğində ikinci tranş Biləcəri və Böyük Şordakı depolarda lokomotivlərə xidmətlərin göstərilmə bazalarının yaradılması, həmçinin ehtiyat hissələrinin alınması üçün nəzərdə tutulub. Həmçinin 60 elektrovoz və teplovozların əsaslə təmiri də nəzərdə tutulub.

Layihənin ümumi dəyəri 70 mln. ABŞ dolları təşkil edir. Layihənin əsas məqsədi elektrik yük lokomotivlərinin əldə olunması, lokomotivlərin elektrik manevrlərinin və dörd lokomotiv anbarı üçün avadanlığın bərpa edilməsi ilə Azərbaycanın dəmir yollarına yardımın göstərilməsindən ibarətdir. Bu, tələbatın artdığı neft və neft məhsullarının şərq-qərb istiqamətində Qafqaz dəmir yolu xətti ilə nəqlini yaxşılaşdırmağa imkan verəcək. Layihə həmçinin ADDY idarəsinin dəmir yolu əməliyyatlarının təhlükəsizlik və səmərəliliyini də artıracaq və neft ləkələrinin yaranma riskini azaldacaq, çünki neft və neft məhsullarının dəmir yolu ilə nəqlinin payına təxminən 75% düşür.

Xəbər lenti

Xəbər lenti