Azərbaycanın Standartlaşdırma, Patent və Metrologiya üzrə Dövlət Agentliyi kommersiya funksiyalarından azad olmaq niyyətindədir. Trend in agentliyin direktoru Ramiz Həsənova istinadən xəbər verdiyi kimi, Azərbaycan Standartlaşdırma İnstitutunun yaradılması üzrə sənədlər paketi baş nazir Artur Rəsizadəyə təqdim olunub.
Gələcəkdə bu institutun mərkəzə çevrilməsi nəzərdə tutulur ki, bu da dövləti sertifikatlaşdırma proseslərindən tədricən uzaqlaşdırmağa imkan verəcək.
"Bu məsələlərlə institut məşğul olacaq. Əlaqələndirmə funksiyalarını isə agentlik icra edəcək", - deyə R.Həsənov qeyd edib.