Oktyabrın 8-də Polşa ticarət palatasının Yardım mərkəzinin idarə heyətinin sədri Bojena Vrublevska Bakıya gəlir. Bu barədə Trend ə Polşanın Azərbaycandakı səfirliyindən məlumat verilib.
Səfərin məqsədi- noyabrın 8-də keçiriləcək I Polşa milli sərgisinin təşkilat məsələrinin Azərbaycan tərəfi ilə müzakirə edilməsidir. B.Vrublevska Azərbaycanın İqtisadi İnkişaf Nazirliyi və Ticari-sənaye palatasında görüşlər keçirməyi planlaşdırır.
Mərkəzin idarə heyətinin sədri həmçinin mətbuat konfransı keçirmək fikrindədir.
