Azərbaycanın İqtisadi Siyasət Doktrinası qəbul edilməlidir. Trend xəbər verir ki, bu barədə Ümid Partiyasının sədri, millət vəkili İqbal Ağazadə Milli Məclisin oktyabrın 10-da keçirilən iclasında çıxışında bildirib.
Millət vəkili onu da bildirib ki, növbəti illərdə ölkəyə neft gəlirləri daxil olacaq: "Azərbaycan bu pulun xərclənməsi istiqamətində çox ciddi şəkildə İqtisadi Siyasət Doktrinasını qəbul etməlidir. Bu sənəd vasitəsilə Azərbaycan özünün gələcək inkişaf modelini müəyyənləşdirməlidir".
Millət vəkili müəllimlərin, prokurorluq işçilərinin əmək haqlarının qaldırılmasını müsbət dəyərləndirsə də, infilyasiyanın da nəzərə alınmasının vacibliyini bildirib. Qeyd edib ki, müəllimlərin maaşları prokurorluq işçilərinin maaşlarına nisbətən az artırılıb.