Noyabrın əvvəlinə olan operativ məlumata görə, Azərbaycanın bölgələrində 2078,2 min ton yaz və payız dənli bitkiləri (qarğıdalı da daxil olmaqla) yığılıb. Trend in Dövlət Statistika Komitəsinə istinadən xəbər verdiyi kimi, yığım 783,4 min ha sahədə həyata keçirilib. Ötən il olduğu kimi, bu il də hər hektardan 26,5 sentner məhsul yığılıb.
Cəlilabadda 126,2 min ton, Şəkidə - 106,3 min ton, Şəmkirdə - 88,5 min ton, Sabirabadda - 82,9 min ton, Xaçmazda - 78,9 min ton, Ağsuda - 74,4 min ton, İsmayllıda - 72,2 min ton, Neftçalada - 67,8 min ton, Saatlıda - 66 min ton taxıl yığımı həyata keçirilib.
Azərbaycanda 2006-cı il üçün taxıl istehsalı 2, 200 mln. ton həcmində proqnozlaşdırılıb. Hazırda ölkədə taxıla olan tələbat 3,400 min ton təşkil edir.
