Azərbaycanın Vergilər Nazirliyi 2007-ci ildə ölkənin qeyri-neft sektorundan daxilolmaların 46%-dan çox artacağını ehtimal edir. Trend vergilər naziri Fazil Məmmədova istinadən xəbər verir ki, bütün istiqamətlərdə, o cümlədən tikinti sektorunda vergi daxilolmalarının 40-50% arasında artacağı proqnozlaşdırılır.
Nazir gələn ildən tikinti sektorunun vergi qoyma mexanizminin dəyişdirilməsinin mənzillərin qiymətinin artmasına səbəb olacağını hesab etmir, çünki yığımlar artıq yerləşdirilmiş kapitaldan həyata keçirilir. Gələn ildən tikinti şirkətlərinin sadələşdirilmiş vergi qoyma sisteminə cəlb oulnması nəzərdə tutulub, müvafiq olaraq onlar dövriyyənin 4%-ni ödəyəcəklər.
"Bir neçə il ərzində dövlətin kiçik və orta sahibkarlığı dəstəkləməsi, onun subyektlərinin güzəştli maliyyələşdirilməsi, "Aqrolizinq"in yaradılması, bələdiyyə tərəfindən vəsaitlərin verilməsi ölkədə davamlı kapital toplayan kiçik və orta biznesin yaradılmasına yardım edir. Bu halda biz hesab edirik ki, dövlət öz sözünü vergilər vasitəsilə deməli, dolayı yolla dövlət büdcəsinə daxilolmaları təmin etməlidir. Vergi yığımlarının artması sahibkarlar arasında digər layihələr çərçivəsində bu vəsaitlərin sonradan paylanmasına səbəb olur", - deyə nazir qeyd edib.