...

Azərbaycan-Fransa hökumətlərarası komissiyasının iclasının keçirilmə tarixi müəyyənləşib

Biznes və iqtisadiyyat xəbərləri Materials 15 Dekabr 2006 15:28

Trend-i buradan izləyin

Azərbaycan-Fransa hökumətlərarası komissiyasının IV iclasının keçirilmə tarixi 2007-ci ilin 9 yanvarına təyin edilib.

İqtisadi İnkişaf Nazirliyindən (İİN) Trend ə verilən xəbərə görə, tədbir Fransanın paytaxtında keçiriləcək.

Hazırda iclasın protokolunun hazırlanması üzərində iş gedir. Protokolda əməkdaşlığın əsas istiqamətləri müəyyənləşəcək. Bu günə qədər fransız sərmayəsinin böyük bir hissəsi ölkənin neft-qaz sektoruna yönəlib. Fransız investorları tərəfindən qoyulmuş 500 mln. dollardan 80%-i Azərbaycanın Yanacaq-Energektika kompleksinə yönəlir. Azərbaycan hökumətinin əsas məqsədi investisiyaların yalnız ölkənin neft sektoruna yönəldilməməsidir. Fransız biznes nümayəndələrinin dekabrın əvvəlindəki səfərində mövcud imkanlar nəzərdən keçirilib və AR-da süd məhsulları istehsalı, çaxırçılıq və başqa kənd təsərrüfatı layihələrinə maraq yaranıb. Fransız investisiyasının Azərbapycana gəlməsi üçün hüquqi baza yaradılıb. Ölkələr arasında qarşılıqlı investisiyaların müdafiəsi, ikiqat vergi qoyulmasından qaçmaq barədə saziş imzalanıb- deyə, İİN-dən bildiriblər.

2006-cı ilin yanvar-sentyabrı üçün ölkələr arasında əmtəə mübadiləsi 323 mln. dollar təşkil edib. Bununla, ixrac əməliyyatları 277 mln. dollar, idxal isə 45 mln. dollara başa gəlib. Bu müddət ərzində ölkəyə toyuq əti, kolbasa, alkoqol içkiləri, tütün məmulatları, mexaniki qurğular, nəqliyyat vasitələri, dərman preparatları, mebel idxal olunub, Azərbaycandan isə, neft məhsulları, dizel yanacağı ixrac olunub.

Xəbər lenti

Xəbər lenti