2007-2008-ci illər ərzində Dünya Bankı Azərbaycan hökümətinin illik xərc artımını təxminən 35% səviyyəsində (nominal ölçüdə) proqnozlaşdırır. DB-nin Azərbaycan höküməti ilə elan olunmuş əməkdaşlıq strategiyasına (2007-2010-cu illər) istinadən Trend in verdiyi xəbərə görə, bunun səbəbi tikinti proqramlarının davam olunması olacaq.
DB və BIF dövlət xərclərinin indiki templə artımına münasibətdə narahatlığını ifadə ediblər ki, bu inflyasiyaya təzyiq göstərir. Rəhbərlik güman edir ki, son illər Azərbaycan iqtisadiyyatı BTC, Cənubi Qafqaz boru kəmərlərinin tikinti layihəsinin və neft hasilatı və axtarışlarının həyata keçirilməsi ilə əlaqədar 30%-dən artıq səviyyədə xarici investisiyalar qəbul edib. Bu investisiyaların mənimsənilməsi bitdikdən sonra hökümət infrastrukturda öz böyük investisiyalarını həyata keçirmək niyyətindədir. Bununla belə o, inflyasiya artımı riskini yaddan çıxarmır. Ona görə də inflyasiyanın artacağı təqdirdə hökümət investisiya qoyuluşu tempini azaldacaq və başqa tədbirlər həyata keçirəcək.
Artıq 2009-cu ildən xərc mənbəələrini təxminən 10%-ə endirmək proqnozlaşdırılır.
Hesabatda deyildiyi kimi, 2007-2008-ci ildə qeyri-neft fiskal qıtlığı 40%-i aşaraq ən yuxarı həddə çatacaq və bundan sonra tədricən azalmağa başlayacaq. Neftin hazırki qiymətləri saxlansa hökümətin bu siyasəti davamlı olacaq. Bunun nəticəsində Dövlət Neft Fondunun aktivi 2010-cu ildə 35 mlrd-a çatacaq.
Habelə, hazırki strategiya qeyri-neft sektorunun inkişafı riskini artırır və digər ölkələrin təcrübəsinə uyğun olaraq holland sindromu və "resursların lənətlənməsi"nə böyük riski var.
2007-2008-ci ildə inflyasiyanın illik artım tempi 17% səviyyəsində pronozlaşdırılır, sonrakı illər isə 10% enməsi proqnozlaşdırılır.
DB bu risklərin minimallaşdırılması üçün struktur islahatlarını məqsədyönlü şəkildə davam etdirməyi tövsiyyə edir. Bunun nəticəsində daxili resurslar azad olacaq, əməliyyat xərcləri azalacaq, məhsuldarlıq artacaq, bu da öz növbəsində manatın real effektiv kursunun bahalaşmasının mənfi nəticələrinin qarşısını almağa imkan verəcək.