2007-ci il yanvarın 1-i üçün "Azərsu" Səhmdar Cəmiyyəti tərəfindən 196,15 min su sayğacı quraşdırılıb. Bu barədə Trend ə çərşənbə axşamı cəmiyyətin ictimaiyyətlə əlaqə şöbəsinin başçısı Aqşin Rüstəmov bildirib.
Onun sözlərinə görə, bunlardan 182,49 mini əhali üçün quraşdırılıb. Büdcə təşkilatlarında 2,55 min, digər təşkilatlarda (istehsal, ticarət, xidmətlər, kommersiya və s.) - 11,09 min su saycağı quraşdırılıb.
2006-cı ildə quraşdırılan su sayğaclarının sayı 141,47 min təşkil edib, o cümlədən əhali üçün - 137,68 min, büdcə təşkilatları üçün - 854, digər müəssisələr üçün - 2,94 min sayğac təşkil edib.
