"Azərbaycan investisiya şirkəti" SC (AİŞ) Qara dəniz ticarət və inkişaf bankı (QTİB) ilə birgə maliyyələşdirmə üçün perspektiv layihələri müəyyən etməyə başlayıb.
AİŞ-in icraçı direktoru Anar Axundovun Trend ə verdiyi xəbərə görə, bank Azərbaycan layihələrinin maliyyələşdirilməsində iştirakda maraqlı olduğunu bildirib.
"Hazırda həmçinin qarşılıqlı maliyyələşdirmə haqqında memorandum hazırlanır və bu iş layihə axtarışı ilə paralel şəkildə həyata keçirilicək", - deyə A.Axundov qeyd edib. Artıq kənd təsərrüfatı, nəqliyyat və logistika layihələri ilə iş görülür və onun fikrincə, bu layihələrə QTİB kreditlərinin cəlb olunması imkanı nəzərdən keçirilə bilər.
Onun sözlərinə görə, QTİB maliyyələşdirmə üçün çərçivə müəyyən etməyib, lakin orta ölçülü layihələrin seçildiyini nəzərə alaraq, bankın vəsaitlərin cəlb olunması ilə problemi olmamalıdır.
İnvestisiya şirkəti analoji həmmaliyyələşdirmə sxemini ilk dəfə Avropa Yenidənqurma və İnkişaf Bankı ilə birjə layihələrdə iştirak zamanı istifadə edir. o cümlədən, onların birgə iştirakı Milk PRO süd məhsulu istehsalçısı və Qaradağ Sement - sement məhsulu istehsalçısının layihələrində nəzərdə tutulur. Hər iki şirkətlərdə AYİB səhmdar qismində iştirak edir və AİŞ 20-25% həcmində səhm paketi almağı planlaşdırır.
AİŞ Azərbaycan prezidentinin 30 mart 2006-cı il tarixli sərəncamı ilə yaradılıb. Onun nizamnamə kapitalı 90 mln. manat təşkil edir. AİŞ-in maksimal iştirak limiti onun bir layihədə və ya onun tabeçiliyində olan qurumda olan kapitalının 20%-i həcmində müəyyən olunub. Hazırda bu limit 18 mln. manat təşkil edir, lakin AİŞ kapitalının artması ilə bağlı dəyişəcək. AİŞ kapitalından hər hansı sahəyə 35%-ə qədər (31,5 mln. manat) sərmayə qoyula bilər.
