Azərbaycan Dövlət Gömrük Komitəsi (DGK) Biləsuvar gömrük idarəsi üçün sərhəd gömrük-buraxılış məntəqəsi tikəcək. Bu barədə komitəyə istinadən Trend məlumat verir.
Bu məqsədlə müvafiq tender elan olunub. Tikinti işlərinə müasir standartlara cavab verən məntəqə və adminstrativ binanın tikintisi aiddir.
Tenderdə iştirak etmək marağında olanlar təkliflərini 3 aprel 2007-ci tarixinədək komitənin təmir və madii-texniki təchizat idarəsinə təqdim etməlidir. Tenderdə iştirakın dəyəri 1 min manat təşkil edir. Prosedura aprelin 4-də DGK-də keçiriləcək.
Tikinti 2007-ci ilin dördüncü kvartalında tamamlanmalıdır.