Azərbaycan, Bakı/ Trend müxbir İ.Xəlilova/ Beynəlxalq Maliyyə Korporasiyası (BMK) 2007-ci ildə Azərbaycan banklarından birinin səhmdarı olmağı planlaşdırıb. BMK-nın Azərbaycandakı nümayəndəsi Aliyə Əzimova hazırda "Respublika" bankı ilə danışıqlar aparıldığını və səhmlərin 10%-nin alınmasının təklif olunduğunu bildirib. "Bankın səhmdarları ilə aparılan danışıqlar hələlik ilkin mərhələdədir, bu danışıqların yekununda isə müqavilə bağlanacaq", - deyə Əzimova bildirib.
Bu gün kreditlərin verilməsində özəl bankların payı aşağıdır. Bu rəqəmlərin artırılması və neft sahəsində kredit ayrılmasını artırmaq üçün yerli bankların maliyyə ehtiyatlarını artırmaq lazımdır. BMK bu işdə həm kredit xətlərinin ayrılması, həm də bankların Nizamnamə kapitallarının artırılmasına yardım etməklə iştirak etmək istəyir.