...

Bakıda ECO ölkələrinin aqrar sahə üzrə konfransı olacaq

Biznes və iqtisadiyyat xəbərləri Materials 18 Aprel 2007 18:48 (UTC +04:00)

Azərbaycan, Bakı/ Trend müxbir S.Babayeva/ Bakıda ECO (İqtisadi Əməkdaşlıq Təşkilatı) ölkələrinin toxumçuluq məsələləri üzrə konfransı keçiriləcək. Azərbaycanın Kənd Təsərrüfatı Nazirliyinin Elmi-aqrar mərkəzindən verilən məlumata görə, konfrans 29 may - 2 iyun tarixlərində keçiriləcək.

Konfrans zamanı ölkələrdə kənd təsərrüfatı bitkilərinin toxumçuluq sisteminin vəziyyəti, qanunvericilik bazasının bu istiqamətə uyğunlaşdırılması, toxumçuluq sahəsində əməkdaşlğın genişləndirilməsi məsələlərinin müzakirə olunacağı gözlənilir.

Tədbirdə Azərbaycan tərəfdən Kənd Təsərrüfatı Nazirliyi rəhbərliyinin iştirak edəcəyi gözlənilir.

Ötən konfranslar Tehran və İslamabadda keçirilib. Tədbirin keçirilməsinə ICARDA və FAO dəstək verir. ECO 1964-1979-cu illərdə mövcud olmuş Regional İnkişaf üzrə Əməkdaşlıq Təşkilatının (RCD) hüquqi varisi hesab olunur.

1992-ci ildə təşkilat 7 dövlətin üzv olması nəticəsində genişləndirilib. Hazırda quruma Azərbaycan, Əfqanıstan, İran, Qazaxıstan, Qırğızıstan, Pakistan, Tacikistan, Türkiyə, Türkmənistan və Özbəkistan üzvdür.

Xəbər lenti

Xəbər lenti