Azərbaycan, Bakı/ Trend müxbir İ.Xəlilova/ Dünya Bankı və Azərbaycan hökuməti kiçik şəhərlərin su təchizatı və kanalizasiyta sistemin yaxşılaşdırılması layihəsi üzrə rəsmi danışıqları başa çatdırıblar. Bu barədə məlumatı DB-nin Bakı ofisindən veriblər. Danışıqların protokolunun yaxın günlərdə baş nazir Artur Rəsizadə tərəfindən imzalanacağı gözlənilir. Danışıqlar aprelin 18-də Bakıda başlayıb.
Danışıqların yekununa əsasən, layihənin ümumi dəyəri və xərcləri müəyyən olunub. Layihə 310 mln. dollar dəyərində qiymətləndirilir. Bu vəsaitin 230 mln. dolları DB-nin, qalan hissəsi isə dünya Bankının hesabına maliyyələşəcək.
Layihə birinci kompenenti çərçivəsində çərçivəsində ilkin olaraq 10 rayonda su şəbəkəsi və kanalizasiya sisteminin bərpası nəzəzərdə tutulub. Ümumilikdə isə bu 20 rayonu əhatə edir. (Ağstafa, Biləsuvar, Goranboy, Qəbələ, Quba, Saatlı, Oğuz, Xanlar, Tovuz, Zaqatala, Hacıqabul, Qazax, Qax, Mingəçevir, Sabirabad, Samux, Şəmkir, Tərtər və Naxçıvan Muxtar Respublikasının Babək və Şərur rayonları)
Layihənin ikinci kompenentində Bakı və Abşeron yarımadasında su təchizatı sisteminin baş planın hazırlanması üzrə texniki yardımın göstərilməsi nəzərdə tutulub.
Üçüncü kompanentdə isə beynəlxalq maliyyə hesabat standartlarının tətbiqindən başlayaraq billinq sisteminin yaxşılaşdırılmasına qədər "Azərsu" SC-nin müasirləşdirilməsi nəzərdə tutulub.
Layihənin həyata keçirilmə müddəti 2012-ci ilə qədər hesablanıb.
Danışıqlarda Dünya Bankını layihələr qrupunun rəhbəri Andreas Rodenin rəhbərlik etdiyi nümayəndə qrupu təmsil edib.