Azərbaycan, Bakı/ Trend müxbir İ.Xəlilova/ First Initiative texniki yardım proqramı Azərbaycan prezidenti yanında Qiymətli Kağızlar üzrı Dövlət Komitəsinə (QKDK) beynəlxalq ekspert Salli Bakstonu (Böyük Britaniya) göndərib. Bu barədə məlumatı QKDK sədri Gündüz Məmmədov verib. First Initiative Azərbaycanada qiymtli kağızlar bazarının inkişafı ilə bağlı məsləhət xidmətlərinin göstərilməsinin vaxtını uzadıb. Ikinci mərhələdə isə "İnvestisiya fondları haqqınnda" qanun layihəsinin beynəlxalq ekspertizası nəzərdə tutulub.
QKDK sədrinin sözlərinə görə, ekspert artıq bunu öyrənib, 12-13 qeyd edərək müsbət qiymətləndirib. "Biz onları müzakirə etdik və böyük hissəsini qəbul etdik. Bəziləri isə bizim bazarımız üçün hələ vaxtından öncə kimi qiymətləndirildi. Hazırda qanun layihəsinə baxılır. Bundan sonra isə biz digər müəssisə və nazirliklərin nümayəndələri ilə müzakirə etməyə hazırıq", - deyə Məmmədov söyləyib.
Ekspertin təkliflərindən biri investisiya fondları tərəfindən investisiya paylarının alınması imkanı ilə bağlı idi. Qanun layihəsində payçının təklifi ilə qapalı paylar üzrə azad alış nəzərdə tutulur. Ekspert hesab edir ki, bu yolverilməzdir. "Bu məsələ hələ müzakirə olunur və biz qərara gəlmişik ki, ən son halda bir variant ortaya qoymaq olar. Bu hüququ payçı ümumi yığıncağın qərarına birbaşa əks olduqda ona vermək olar",-deyə QKDK sədri bildirib.
"İnvestisiya fondları haqqında" yeni qanun layihəsinə uyğun olaraq fəaliyyət mexanizminin maksimum liberallaşdırılması güman edilir. Dünyada müxtəlif fondlar mövcuddur. Dövlət Komitəsi isə Azərbaycanda çoxfunksiyalı ümumi fond yaratmağı təklif edir.