Azərbaycan, Gəncə / Trend müxbir V.Məmmədov/ Yanvar-may aylarında Gəncədə əhali 2198 nəfər (0,7%) artıb. Bu barədə bazar ertəsi Gəncə şəhər Statistika İdarəsinin rəisi İsmayıl Cəfərov məlumat verib. Onun sözlərinə görə, Gəncədə 308 min 461 nəfər əhali var. Onlardan 147 min 753 nəfəri kişi, 160 min 708 nəfəri isə qadındır. Cəfərov bidirib ki, hesabat dövründə şəhərə 304 nəfər gəlib və 274 nəfər isə gedib.
Bu müddət ərzində Gəncədə 1566 uşaq dünyaya gəlib ki, bu da ötən ilin müvafiq dövrü ilə müqayisədə 45 uşaq çoxdur. Ölənlərin sayı isə 821 nəfər olub. Ötən il isə bu göstərici 810 nəfər olub.
Bu il həmçinin Gəncədə 771 nigah bağlanıb ki, bu da ötən illə müqayisədə 31 nigah çoxluq təşkil edir. Bu il ötən ildən yeddi boşanma faktı az olmaqla 160 boşanma faktı qeydə alınıb.
Gəncə paytaxt Bakıdan 365 kilometr qərbdə yerləşir.
