Azərbaycan, Bakı/ Trend müxbir Ü.İsmayılova/Iyunun 15-nə olan məlumata əsasən, Azərbaycanda 299 263 nəfər ünvanlı sosial yardım alır. Hər bir nəfər üçün orta məbləğ 15,90 manat təşkil edir. Bu barədə Əmək və Əhalinin Sosial Müdafiəsi Nazirliyinin məlumatında göstərilib.
Məlumatda göstərilir ki, rayon və şəhər əhalinin sosial müdafiəsi mərkəzlərinə müraciət etmiş 9 252 ailəyə yardım göstərilməkdən imtina edilib. Həmçinin 1 882 (20,3 faiz) ailə ikinci il üçün yardım almaqdan məhrum edilib.
