Azərbaycan, Bakı/ Trend müxbir İ.Xəlilova/ "Millikart" MMC Direktorlar Şurasının avqustun 14-də keçirilən növbəti toplantısınta səlahiyyət müddətinin başa çatması ilə əlaqədar Şura sədri yenidən seçilib. Bu barədə çərşənbə axşamı Prosessinq Mərkəzinin icraçı direktoru Cəlal Orucov məlumat verib. Onun sözlərinə görə, "Millikart" Direktorlar Şurası sədri vəzifəsini bir il müddətinə "Azərdəmiryolbank"ın icraçı direktoru Xəyal Əlizadə tutub.
"Millikart" Direktorlar Şurası sədrinin seçkisi hər il olacaq. Əvvəlcə bu səlahiyyət "Bank Respublika"nın idarə heyətinin sədri Xədicə Həsənovaya verilmişdi.
Görüşdə həmçinin cari məsələlərə baxılıb. Milli Bank prosessinq mərkəzinin 18 bankın idarəçiliyinə verilməsi barədə təsis müqaviləsi imzalayıb. MMC 2006-cı ilin 14 iyulunda təsis olunub. Mərkəzin nizamnamə fondu 4 mln. manat səviyyəsində formalaşdırılıb. Mərkəzin təsisçiləri sırasına Atabank, Azərdəmiryolbank, Azərtürkbank, Bank of Baku, Azərbaycan sənaye bankı, Debütbank, Əmrahbank, Xalqbank, Kredobank, Azərbaycan mikromaliyyələşdirmə bankı, Parabank, Rabitəbank, Bank Respublika, Bank Standard, Texnikabank, Turanbank, UniBank və Zaminbank daxildir.