Ukrayna, Kiyev / Trend , müxbir Z.Novosvitski/ Azərbaycanın "Grain Way LLC" və "Bakı taxıl terminalı" şirkətləri sentyabrın 26-29-da Ukraynada təşkil olunacaq altıncı beynəlxalq "Taxıl sənayesi-2007" və üçüncü beynəlxalq "EXTRUtec`2007" konfranslarında iştirak edəcək. Bu barədə Ukraynanın "APK-İnform" informasiya-analitik agentliyi məlumat verib.
Verilən məlumata müvafiq olaraq, bu günə kimi 43 şirkətin 80-dən çox mütəxəssisi konfransda iştirakını təsdiq edib. İştirakçıların coğrafiyası Azərbaycan, Argentina, Litva, Ukrayna, Rusiya, Slovakiya, Pakistan və Fransaya təqdim olunub. Konfransda dünyanın 15 ölkəsindən 200 nəfərə yaxın nümayəndənin iştirakı gğzlənilir.