Azərbaycan, Bakı / Trend , müxbir S.Babayeva/ Azərbaycan İxrac və İnvestisiyaların Təşviqi Fondu (AZPROMO) Azərbaycanın sənaye sahələrində çalışan müəssisələrin alyansının sayını artırmaq niyyətindədir.
Cümə günü AZPROMO-nun ixrac departamentinin rəhbəri Teymur Tağıyev mətbuat konfransında bildirib ki, təşkilatın gündəliyində ilk növbədə, neft sahəsində xidmət göstərən şirkətlərin alyansının yaradılması dayanır. Gələcəkdə alyansa Qazaxıstan və Türkmənistanın da cəlb edilməsi nəzərdə tutulur. Onun sözlərinə görə, bu məqsədlə lazımi işlər görülür, təkliflər paketi hazırlanır.
Tağıyev həmçinin bildirib ki, AZPROMO-nun planlarına Azərbaycanda tikinti şirkətləri alyansının yaradılması da daxildir.
