Azərbaycan, Bakı, 11 mart / Trend / Azərbaycan Dövlət Neft Şirkəti (ARDNŞ) yanvar-fevral aylarında 35105 metr həcmində qazma işləri həyata keçirib. Bu barədə ARDNŞ-dan məlumat verilib. Bu iş həcmi proqnozlardan 1725 metr, ötən ilin göstəricisindən isə 4736 metr çoxdur. Fevralda yataqlarda 17861 metr qazma işi aparılıb.
Yanvar-fevral aylarında istismar qazmalarının həcmi 33 773 metr təşkil edib. Bu göstərici bu dövr üçün proqnozlaşdırılandan 1653 metr, ötən ilin göstəricisindən isə 4278 metr çoxdur. Fevral ayında istismar qazmalarının həcmi 17281 metr təşkil edib.
Yanvar-fevral aylarında kəşfiyyat qazmalarının həcmi 1332 metr təşkil edib. Bu proqnozlaşdırılandan 72 metr, ötən ilin göstəricisindən isə 458 metr çoxdur. Fevral ayında kəşfiyyat qazmalarının həcmi 580 metr təşkil edib.
