Azərbaycan, Bakı, 11 mart / " / Cari ilin yanvar-fevral aylarında "H.Əliyev adına"
neftayırma zavodu (keçmiş "Azərneftyanacaq") ötən 2007-ci ilin analoji aylarında istehsal olunan 2,6 min tona qarşı 17,97 min ton neft koksu istehsal edib. Bu barədə Azərbaycan Dövlət Neft Şirkətindən məlumat verilib.
ARDNŞ-dan bildirilib ki, 2007-ci il üçün neft koksu istehsalı proqnozlaşdırılmasa da, keçən ilin yanvar-fevral aylarında az miqdarda koks istehsal olunub. Mart ayında koks istehsalı dayandırılıb, aprel ayında isə yenidən bərpa olunub. Nəticədə istehsalın ümumi həcmi 85 min ton təşkil edib.
2006-cı ildə istehsal 67,24 min ton olub. 2005-ci ildə müəssisədə neft koksu istehsal edilməyib. Azərbaycanda istehsal olunan neft koksunun əsas istehlakçısı Rusiyanın alüminum zavodlarıdır.
