Azərbaycan, Bakı, 12 may/ Trend / "Azəri-Çıraq-Günəşli" dəniz blokunu mənimsəyən Azərbaycan Beynəlxalq Əməliyyat Şirkəti (ABƏŞ) yanvar-apreldə 11,5 mln. ton Azeri Light növlü neft ixrac edib. 2007-ci ilin yanvar-aprelində bu rəqəm 9,4 mln. ton olub.
Yanvar-apreldə BTC boru kəməri ilə 11,2 mln. ton neft ixrac edilib. 2007-ci ilin analoji dövründə bu rəqəm 7,9 mln. ton olub. Martda ABƏŞ Gürcüstanın Batumi Qara dəniz limanı istiqamətində dəmir yolu marşrutu ilə ixracı bərpa edib. Mart-apreldə bu istiqamətdə 323 min ton neft göndərilib. Apreldə isə təqribən 153 min ton neft ixrac edilib. Bakı-Novorossiysk və Bakı-Supsa boru kəmərləri ilə neft ixracı həyata keçirilməyib.
2007-ci ildə Bakı-Novorossiysk boru kəməri ilə 856,3 min ton neft ixrac edilib. 2006-cı ildə bu istiqamətlə ixrac həcmi 3,5 mln. ton olub. Batumi limanına 2006-cı ildə 4,2 mln. tona qarşı 2007-ci ildə 986 min ton neft ixrac edilib. Təmir işləri ilə əlaqədar, bütün ötən il ərzində Bakı-Supsa boru kəməri ilə neft ixrac edilməyib.
