Azərbaycan, Bakı, 06 iyun / Trend / Azərbaycan Dövlət Neft Şirkətinin (ARDNŞ) istismar quyuları fondu (Birgə müəssisə və əməliyyat şirkətləri istisna olmaqla) iyunun 1-nə olan məlumata görə, 6068 ədəd təşkil edib ki, bu da 2007-ci ilin analoji dövr göstəricisindən (Ötən ilin 1 iyununda 6158 ədəd) 90 quyu azdır. Bu barədə ARDNŞ-ın məlumatında bildirilir.
Quyuların ümumi həcmindən 4828 (Ötən il iyunun 1-i üçün 4893 ədəd) quyu fəaliyyətdə olan, 1224 quyu isə (Ötən il iyunun 1-i üçün 1253 ədəd) fəaliyyətdə olmayan fondda yerləşir. On altı quyu (Ötən il iyunun 1-i üçün 12 ədəd) mənimsənilmə mərhələsindədir.