Azərbaycan, Bakı, 20 iyun / Trend , müxbir S.Əliyev / "Azərenerji" Səhmdar Cəmiyətinin vitse-prezidenti Marlen Əsgərov bildirib ki, 2008-ci il avqustun sonunadək Azərbaycan İrana elektrik enerjisi üzrə borcunun qaytarılmasını tamamilə başa çatdıracaq.
İrana sutkada1 mln. kVt/s çox elektrik enerjisi qaytarılır. Bunlardan 600 min kVt/s İmişli (Azərbaycan) - Parsabad (İran xətti) və təxminən 400 min kVt/s Astara (Azərbaycan) - Astara (İran) xətləri ilə qaytarılır.
Borc üzrə qalığın həcmi 250 mln. kVt/s -dır.
İranın Azərbaycana tədarükü hesabına Naxçıvan Muxtar Respublikası elektrik enerjisi ilə təmin olunur. Azərbaycan İrandan elektrik enerjisiniqış aylarında alır, İranda qıtlıq yarandığı yay aylarında qaytarır.
İran tərəfinin Naxçıvan Muxtar Respublikasına elektrik enerjisinin tədarükü zamanı yaranan itkilər hesablanır və İrana 11 faiz artıq elektrik enerjisi qaytarılır.
