Azərbaycan, Bakı, 15 avqust/ Trend , müxbir E.İsmayılov/ Azərbaycan Dövlət Neft Şirkətinin Geofizika və Geologiya İdarəsi Qaradağ qaz anbarının genişləndirilməsi layihəsi çərçivəsində geoloji strukturun dəqiqləşdirilməsi üçün üçölçülü seysmik kəşfiyyatın aparılmasına başlayıb, cümə günü idarədən bildiriblər. İşlər cari ilin sonunadək başa çatacaq.
"Hazırda qaz anbarında 3D seysmik kəşfiyyat aparılır. İşlər ilin sonuna başa çatmalıdır", - idarədən bildiriblər.
"Qaz anbarında seysmik işlər avqustun əvvəlində başlayıb. Tədqiqatın nəticələrinə əsasən, məlumat və materialların işlənilməsi aparılacaq", - idarədən bildiriblər.
Əvvəllər Qaradağda yeraltı qaz anbarında qazın saxlanılma həcminin artırılması məqsədilə səkkiz quyuda təmir işləri aparılıb.
Hazırda Azərbaycanda iki yeraltı qaz anbarı - Qaradağ və Qalmaz istismar edilir.
Cari ildə qaz anbarına 1 mlrd. kubmetrdən çox qaz vurulacaq. Ötən il bu qaz anbarlarına 1 mlrd. kubmetrdən çox qaz vurulub. Bu qaz həcmi 2007/2008-ci il qış payız-qış dövründə ölkə abunəçilərinin təminatı üçün istifadə edilib.
Anbarlara vurulan qaz Azərbaycan Dövlət Neft Şirkəti tərəfindən verilir. Şirkət qazı müstəqil şəkildə işlədiyi yataqlardan hasil edir. Cari il ərzində ARDNŞ 8 mlrd. kubmetr qaz hasil etmək niyyətindədir. Azərbaycan "Azəri" - "Çıraq" - "Günəşli" yataqlarından təqribən 1,4 mlrd. kubmetr, "Şahdəniz" qaz-kondesat yatağından isə 2,9 mlrd. kubmetr qaz alacaq.
Müəlliflə əlaqə saxlamaq üçün elektron ünvan: cap