Qazaxıstan, Astana, 27 avqust/ Trend Cap müxbir K.Konırova/ Rumıniyanın Baş naziri Kelin Popesku -Teriçanu sentyabrın 9 -10-da Astanaya rəsmi səfər edəcək, Rumıniyanın Qazaxıstandakı fövqəladə və səlahiyyətli səfiri Emil Raçpa Trend -a müsahibəsində bildirib. Səfər Qazaxıstan prezidenti Nursultan Nazarbayevin dəvəti ilə baş tutacaq. Rumıniyalı diplomat müsahibədə iki ölkə arasında əməkdaşlıq perspektivləri lə bağlı baxışlarını və planlarını bölüşüb.
- Cənab səfir, Qazaxıstan prezidentinə etimadnamələri təqdim edərkən Qazaxıstanın sizin ölkənizdə ciddi aktviləri - "Rompetrol" neft konsernini almağını nəzərdə tutaraq, bəyan etdiniz ki, ölkələrimiz arasında əməkdaşlıqda yeni mərhələ başlayıb...
- Bəli, mən hesab edirəm ki, Rumıniya neft şirkətinin aktivlərinin alınması əməkdaşlığımızın inkişafına güclü təkan verib. Bu hər iki tərəf üçün çox vacib və maraqlı layihədir. Qazaxıstan, sadəcə, Rumıniyaya sərmayə yatırmaqla, eyni zamanda, Aİ çərçivəsində işləmək imkanı qazanır. Yəni demək olar ki, Rumıniya və Qazaxıstan arasında hazırki münasibətlər Qazaxıstanın Aİ ilə qarşılıqlı münasibətlərinə bariz nümunədir.
İki il əvvəl Avropa ölkələri ittifaqına qəbul edilən Rumıniya Qazaxıstan üçün yalnız tərəfdaş deyil, həm də Aİ ilə əməkdaşlığın qurulmasında yaxşı dost ola bilər. Rumıniya Qazaxıstana sizin ölkənizdə olmayanları verərək, əvəzində özündə olmayanları ala bilər. Neft-qaz sektorunda əməkdaşlıqdan danışsaq, qarşılıqlı fayda "göz qabağındadır".
Rumıniya 1857- ci ildən dünyada neft hasil edən ilk ölkə olub. Bizdə neft hasilatı və neft emalı sahəsində böyük təcrübə var və mütəxəssislərimiz məmnuniyyətlə bu təcrübəni qazax həmkarları ilə bölüşürlər. Digər tərəfdən, hazırda illik hasilat ildə bir neçə milyon ton olsa da, bizdə o qədər də çox neft qalmayıb. Bu həcm daxili tələbatın 70-80 faizini ödəməyə imkan verir. Qalan həcmi biz idxal edirik , o cümlədən də Qazaxıstandan. Təbii qazla da bağlı eyni vəziyyətdir.
Bundan əlavə, bizim əməkdaşlığımız Rumıniyanın tranzit potensialından istifadənin yeni imkanlarını açır. Prezident Nursultan Nazarbayev etimadnamələr təqdim olunarkən vurğulayıb ki, Qazaxıstan enerji daşıyıcılarının tranziti və emalı sahələrində Mərkəzi Asiyanı Avropa ilə bağlayan nəqliyyat dəhlizlərinin yaradılmasında Rumıniyanın imkanlarından istifadə etməkdə maraqlıdır.
- Sizin rəyinizcə, Qazaxıstanda işlədiyiniz yüz gün ərzində əhəmiyyətli nə baş verib?
- Qarşılıqlı münasibətlərimizdə irəliləyiş mövzusunu davam etdirmək istəyirəm. Həm siyasi, həm də iqtisadi əlaqələr qurulub və bu, bir-birimizə doğru addımlar üçün yaxşı əsasdır.
Mənim Qazaxıstana gəldiyim vaxtda Buxarestdə ölkənizin vətəndaşlarına vizaların verilməsinin yeni sadələşdirilmiş qaydası qəbul edildi. Bütün zəruri sənədlər təqdim edildikdə viza bir saat ərzində açılır.
Elə təkcə mənim burada işlədiyim üç ay ərzində bizim konsul şöbəmiz Qazaxıstan vətəndaşlarına 200 - dən çox viza verib. Bununla yanaşı, dinamika belədir ki, yalnız son ay ərzində 75 viza verilib. Ötən illərlə müqayisədə, bu çox yüksək göstəricidir.
Bunlar bizneslə bağlı səfərlər olsa da, düşünürəm ki, vaxt ötdükcə Qazaxıstanın işgüzar insanları özləri üçün ölkəmizin gözəlliyini kəşf edəcək və Rumıniyaya turist kimi gələcəklər. Belə ki, bizdə Qara dənizdə çox yaxşı kurortlar var. Burada qiymətlər İtaliya və ya Türkiyədəkindən qat-qat aşağıdır.
-2007- ci il aprelin 13 - də Avropa Parlamenti Rumıniya və Bolqarıstanın Avropa İttifaqına daxil olmasını təqdir edib. İki il ötüb, nəticə varmı?
- Sürətli dəyişikliklərin baş verəcəyini gözləmək lazım deyil. Ölkənin demokratikləşməsi, iqtisadiyyatın yüksəlişi - daimi və fasiləsiz prosesdir. Nəzərə alaq ki, Rumıniyada vəziyyət ildən- ilə yaxşılaşır.
Son vaxtlar ölkədə iqtisadiyyatının artımı müşahidə olunur, ÜDM hər il 4,5 - 5,3 faiz artır. Şərqi Avropa üçün bu, ən yüksək göstəricidir.
Qazaxıstan Respublikasının Statistika Agentliyinin məlumatına əsasən, ötən il ölkələrimiz arasında mal dövriyyəsi 757,3 mln. ABŞ dollarına çatıb. Qazaxıstanda, əsasən, neft-qaz sektorunda çalışan 14 birgə müəssisə fəaliyyət göstərir. Rumıniyada mebel, geyim, ayaqqabı və dərman ticarəti sahələrində çalışan beş birgə müəssisə yaradılıb.
Müəlliflə əlaqə saxlamaq üçün elektron ünvan: cap