Azərbaycan, Bakı, 25 noyabr/ Trend , müxbir E.İsmayılov/ Yanvar - oktyabrda SOCAR şirkətinin Nərimanov adına Neft - Qaz Çıxarma İdarəsi (NQÇİ) proqnozlaşdırılan 597,3 mln. kubmetrə nisbətdə təqribən 594 mln. kubmetr metr qaz hasil edib. Bu barədə çərşənbə axşamı SOCAR-dan bildiriblər.
Mənbə bildirib ki, yanvar - oktyabrda NQÇİ proqnozlaşdırılan 365,8 min tona nisbətdə təqribən 376,2 min ton neft və qazkondensat hasil edib.
NQÇİ - də sutkalıq qaz hasilatı təqribən 2,28 mln. kubmetr, neft və qaz kondensat hasilatı isə, 1200 ton təşkil edir.
Mənbə bildirib ki, NQÇİ 2009 - cu ilin əvvəlində "Ələt dəniz - 63" və "Ələt dəniz - 8" platformalarında neft istismar quyuları qazmağı planlaşdırır. Birincinin layihə dərinliyi 3450 metr, ikincinin isə, 4100 metrə bərabərdir.
"Bu quyularda planlaşdırılan sutkalıq hasilat hər brində 40 ton neft təşkil edəcək",- deyə mənbə bildirib.
Məqalə müəllifi ilə əlaqə ünvanı - [email protected]
