Azərbaycan, Bakı, 02 dekabr/ Trend , müxbir E.İsmayılov/ SOCAR şirkətinin (Azərbaycanın Dövlət Neft Şirkəti) Yataqların Modelləşdirməsi Mərkəzi Salyan Oil əməliyyat şirkətinin operatoru olduğu "Kürsəngi" yatağının şimal hissəsində aparılmış üçölçülü seysmik ölçmələrin interpretasiyasını aparır, - mərkəzdən çərşənbə axşamı bildiriblər.
"İndi biz şirkətin özünün [Salyan oil] apardığı 3D seysmik ölçmələr nəticəsində alınmış məlumatların interpretasiyasını həyata keçiririk", - mənbə bildirib.
Onun sözlərinə görə, planlaşdırılan işlərin həcmi böyükdür və müqaviləyə görə, görülən işlərin nəticələri 2009 - cu ilin sentyabrınadək sifarişçiyə təqdim edilməlidir.
Əvvəllər Mərkəz "Kürsəngi" yatağının cənubi hissəsinin modelləşdirilməsi üzrə işləri başa çatdırıb. Modelləşdirmə Mərkəzi yeni quyuların yerləşməsi üzrə öz proqnozlarını təqdim edib. Ümumilikdə müqavilə sahəsində 80 - dən çox quyu qazılıb. Yatağın ehtiyatlarının yenidən qiymətləndirilməsi 18 mln. tona bərabər olan ilkin proqnozlaşdırılan məlumatların arasında kiçik fərqin olduğunu göstərib.
Əməliyyat şirkəti 2008 - ci ildə altı istimar quyusu qazmaq niyyətində olub. Quyuların dərinliyi təxminən 3500 - 4000 metr təşkil edəcək. Cari ildə Salyan Oil-in büdcəsi $45,5 mln. səviyyəsində müəyyən edilib.
"Kürsəngi-Qarabağlı" yatağının işlənilməsinə dair sazişin müddəti 25 ildir. Layihənin səhmdarları aşağıdakılardır: ARDNŞ - 50 faiz, hər birinin 25 faiz iştirak payı olan iki Çin şirkəti China National Oil & Gas Exploration and Development Corp. (CNODC) və CNPC (Hong Kong) Ltd. (CNPCHK).
Müəlliflə əlaqə saxlamaq üçün elektron ünvan: [email protected]
