Azərbaycan, Bakı, 12 dekabr/ Trend , müxbir E.İsmayılov/ İlin sonunadək "Mərkəzi Azəri" yatağının mərkəzi hissəsində bir quyununu istifadəyə verilməsi planlaşdırılır. Bu barədə cümə günü SOCAR şirkətinin prezidenti Rövnəq Abdullayev bildirib.
Hazırda "Azəri" - "Çıraq" - "Günəşli" yataqları blokunun işlənməsi layihəsinin operatoru BP yatağın mərkəzi hissəsində, hasilatın dayandırılmasına gətrib çıxaran qaz sızmasının səbəblərini araşdırır.
"Azəri" - "Çıraq" - "Günəşli" yataqları blokunda neft hasilatı həcmi bu gün yataq platformalarının dayandırılmasınadək əldə olunan təqribən 900 min barelə nisbətdə sutkada təxminən 650 min barel təşkil edir.
BP sentyabrın 17 - də "Mərkəzi Azəri" yatağında neft hasilatını dayandırıb və yataqda quraşdırılan platforma personalını dənizdə qazın aşkar olunması səbəbindən evokuasiya edib.
Təhlükəsizlik məqsədi ilə yatağın qərb hissəsində "Qərbi Azəri" platformasından da hasilat dayandırılıb. Burada hasilat bir müddət sonra bərpa edilib.
"Azəri-Çıraq-Günəşli" yatağında Bakı-Tbilisi-Ceyhan boru kəməri ilə ixrac olunan Azeri Light növlü neft hasil edilir.
Məqalə müəllifi ilə əlaqə ünvanı: capital