Gürcüstan 30 regional qazpaylayıcı şirkətin SOCAR-a verilməsi müddətini müəyyən edib
Gürcüstan, Tbilisi, 17 dekabr/ Trend , müxbir N.Kirtsxaliya/ "Gürcüstanın enerji nazirliyi dekabrın 20-də Azərbaycanın SOCAR Energy Georgia şirkəti ilə qazpaylayıcı şəbəkələrin idarəetməyə verilməsi haqqında saziş bağlayacaq, - Gürcüstanın enerji naziri Aleksandr Hetaquri çərşənbə günü Trend -a bildirib.
"Bütün texniki məsələlər razılaşdırılıb, saziş hazırlanıb və indi yalnız onu imzalamaq qalıb", - nazir deyib.
SOCAR-ın (Azərbaycanın Dövlət Neft Şirkəti) prezidenti Rövnəq Abdullayev bu məqsədlə Tbilisiyə səfər edəcək.
Regionun qazlaşdırılması məqsədilə SOCAR-a 30 qazpaylayıcı şirkət veriləcək.
Müəlliflə əlaqə saxlamaq üçün elektron ünvan: [email protected]
