Belçika, Brüssel, 07 yanvar / Trend , müxbir A.İsmayılova/
Rusiya və Ukrayna Aİ-yə
qaz tədarükünə etibarlı zəmanətin təmin
edilməsi üçün dayanıqlı və
uzunmüddətli həll tapmalıdırlar, - Avropa
Komissiyasının prezidenti Joze Manuel Barrozu
çərşənbə günü Rusiya və
Ukraynanın Baş nazirləri Vladimir Putin və Yuliya
Timoşenko ilə telefon danışığı zamanı
bəyan edib. O, "Rusiya və Ukraynanın Avropaya qaz
ixracını tam həcmdə dərhal bərpa etməli
olduqlarına" təkid edib.
Barrozu, Aİ - yə qaz ixracının
təhlükəsizliyinin "Rusiya və Ukrayna arasında
danışıqların əsiri olması" faktının
yolverilməzliyini Baş nazirlərin diqqətinə
çatdırıb. Barrozunun rəyinə görə, bu
ölkələrin etibarlı tərəfdaş kimi
reputasiyası indi şübhə doğurur.
2009 - cu il üçün müqavilə bağlanılmadığından, Rusiyanın "Qazprom" qaz Holdinqi yanvarın 1-dən Ukraynaya qaz ixracını dayandırıb. "Qazprom" nümayəndələrinin sözlərinə görə, bundan sonra Ukrayna üçüncü ölkələrə ixrac üçün nəzərdə tutulmuş qazı qeyri - qanuni şəkildə mənimsəməyə başlayıb, nəticədə, avropalı istehlakçılar ötən sutkalar ərzində 60 mln. kubmetr qaz almayıblar.
Rusiya qazının Ukrayna ərazisi vasitəsilə Bolqarıstan, Bosniya, Xorvatiya, Makedoniya, Serbiya, Macarıstan, Türkiyə və Yunanıstana ixracı dayandırılıb. Havaların Avropa üçün xarakterik olmayan mənfi 30 dərəcəyədək soyuması vəziyyəti daha da çətinləşdirir.
Müəlliflə əlaqə saxlamaq üçün elektron ünvan: [email protected]