Azərbaycan, Bakı, 02 fevral / Trend , müxbir A.Bədəlova/ Böyük Britaniyanın iqtisadi araşdırmalar üzrə konsaltinq şirkəti Capital Economics-in proqnozlarına görə, 2009-cu ildə Aralıq dənizindən çıxarılan Brent növlü neftin orta qiyməti bir barel üçün 40 dollar təşkil edəcək.
Şirkətin proqnozlarına görə, 2010-cu ildə iymət dəyişilməz qalacaq - bir barelə görə 40 dollar səviyyəsində.
Brent növlü neftin mart fyuçerslərinin qiyməti bazar günü 0,19 dollar artaraq bir barel üçün 45,71 dollara çatıb. Bu gün neft qiymət qoymaları öz müsbət dinamikasını davam etdirib.
Britaniya şirkəti analitiklərinin məruzəsində bildirilir ki, neft qiymətlərinin cüzi dərəcədə bərpa olunmağa başladığı bir vaxtda, kredit riskləri təhlükəsi ilə əlaqadar olaraq qızılın qiyməti yaxın vaxtlarda düşəcək.
2009 və 2010-cu illərdə şirkət qızılın qiymətini bir unsiyaya görə 700 dollar proqnozlaşdırır. Cari ilin birinci rübündə qızılın qiyməti orta hesabla bir unsiyaya görə 800 dollar təşkil edəcək.
NYMEX birjasında yanvarın 30-da baş tutan ticarət sessiyasının yekunlarına görə, qızılın qiyməti 22,2 dollar artaraq bir unsiya üçün 927,3 dollara çatıb. Bu göstərici 2008-ci ilin iyulundan maksimal hesab olunur. Həftə ərzində qızıl 3,5 faiz, ay ərzində isə 4,9 faiz bahalaşıb.
Məqalə müəllifi ilə əlaqə ünvanı: [email protected]