Azərbaycan, Bakı, 11 mart / Trend , müxbir A.Bədəlova /
ABŞ-ın Energetika İnformasiyası üzrə Dövlət İdarəsi (EIA) 2009-cu ildə OPEK-ə daxil olmayan ölkələrin neft tədarükünün həcminin çox cüzi artmasını - sutkada 0,01 milyon barel artmaqla sutkada 49,76 milyon barelə çatmasını planlaşdırır. 2010-cu ildə bu ölkələrin neft tədarükü sutkada 49,95 milyon barelə kimi artacaq.
EIA-nın mart məruzəsində deyildiyi kimi, göstərilmiş dövrdə artımın əsas mənbələri Meksika, Aralıq dənizi və Rusiyada hasilatın yüksək dərəcədə aşağı düşməsini kompensasiyalaşdıran ABŞ, Braziliya və Azərbaycan olacaq.
EIA-nın proqnozlarına əsasən, 2009-cu ildə Azərbaycan neft tədarükünün həcmi 0,07 milyon barel artmaqla sutkada 0,95 milyon barel təşkil edəcək. 2010-cu ildə isə ölkələrin tədarükü 0,15 milyon barel artmaqla sutkada 1,1 milyon barel təşkil edəcək.
Qazaxıstanın neft tədarükünün həcmi 2008-ci ildə olan 1,43 milyon barelə nisbətdə 2009-cu ildə 1,51 milyon barel təşkil edəcək. 2010-cu ildə bu ölkə tədarükün həcmini sutkada 0,12 milyon barel artırmaqla sutkada 1,63 milyon barelə çatdıracaq. Türkmənistanda neft tədarükünün həcmi 2008-ci ilin 0,19 milyon barelinə nisbətdə 2009-cu ildə sutkada 0,2 milyon barel artacaq. 2010-cu ildə bu ölkənin neft tədarükünün həcmi dəyişməyəcək.
EIA-nın proqnozlarına əsasən, OPEK-in hasil etdiyi neft sutkada 2,34 milyon azalmaqla 2009-cu ildə sutkada 28,91 milyon barel təşkil edəcək və 2010-cu ildə sutkada 0,93 milyon barel artmaqla sutkada 29,84 milyon barel təşkil edəcək. EIA-ya əsasən, cari ilin birinci rübündə OPEK-in neft hasilatı sutkada iki milyon barel azalmaqla 28,6 milyon barel təşkil edəcək.
ABŞ-ın Energetika İnformasiyası üzrə Dövlət İdarəsi ölkənin 1977-ci ildə Konqres tərəfindən yaradılmış Energetika Departamentinin Statistik Agentliyidir.
Məqalə müəllifi ilə əlaqə ünvanı: с[email protected]
