Qazaxıstan, Astana, 17 mart/ Trend , müxbir K.Arınova/
"KazMunayQaz" MŞ SC (KMQ)Azərbaycandan gətirilən neft-qaz avadanlıqlarının təcrübəvi-sənaye tədqiqatlarının keçirilməsi məqsədi ilə öz yataqlarının ərazisini təqdim etməyə hazırdır. Bu barədə Trend a milli şirkətin adının sadalanmasını istəməyən nümayəndəsi bildirib.
"Biz Azərbaycandan avadanlıq gətirilməsində maraqlıyıq. Lakin Azərbaycan məhsullarının bizim bazarlara çıxarılması birgə müəssisənin (BM) yaradılmasından sonra həyata keçə bilər. Şirkətimiz Qazaxıstanın Sənaye və Ticarət Nazirliyinə "Qazaxıstaninjinirinq" SC-nin Azərbaycan tərəfi ilə birlikdə birgə müəssisə yaratması təklifi ilə müraciət edib", - müsahib bildirib.
O, aydınlıq gətirərək bildirib ki, milli şirkət özü avadanlıq istehsal etmir və xüsusilə, "Qazaxıstaninjinirinq" SC-də sifarişləri yerləşdirir. "Biz buraxılacaq neft-qaz avadanlıqlarının təcrübəvi-sənaye tədqiqatlarının keçirilməsi məqsədi ilə öz yataqlarımızın ərazisini təqdim etməyə hazırıq", - deyə KMQ-nin nümayəndəsi bildirib.
Bu şirkətin məlumatına əsasən, 2008-ci ildə "KazMunayQaz" MŞ SC-nin 6 filialı Qazaxıstan istehsalçılarından 910 milyon manat, xaricdən isə 318 milyon dollar dəyərində əmtəə, xidmətlər və avadanlıq alıb. Bu ildə KMQ öz filial şirkətləri tərəfindən Qazaxıstan istehsalçılarından 1,075 milyard dollar, xaricdən isə 278 milyon dollar dəyərində olan xidmətlər, əmtəə və avadanlıq alacaq.
Məqalə müəllifi ilə əlaqə ünvanı: [email protected]
