Azərbaycan, Bakı, 15 aprel / Trend /
"Vyetnamın Vimexco şirkəti ilə birgə neft-qaz sahəsində ətraf mühitin mühafizəsi çərçivəsində işlər aparan Ekol Muhendislik Xidmetleri QSC-nin nümayəndə heyəti mayda Vyetnama səfər edəcək", - QSC-nin yaydığı məlumatda deyilir. Ekol Muhendislik Xidmetleri QSC-nin həmtəsisçisi SOCAR-dır.
Səfər zamanı Ekol nümayəndələri birgə əməkdaşlıq istiqamətində ilkin araşdırmalar aparacaqlar.
Vyetnamı ziyarət etmək dəvəti Vimexco-nun baş direktoru tərəfindən şirkətin nümayəndə heyətinin Bakıya səfəri zamanı daxil olub.
"Abşeron yarımaasında mövcud olan ekoloji problemlərin həlli məqsədi ilə 2006-cı il mart ayında yaradılmış Ekol Muhendislik Xidmetleri QSC-nin həmtəsisçiləri SOCAR (Azərbaycan Respublikası Dövlət Neft Şirkəti) - 51 faiz və Lancer S.A. Services şirkətidir - 49 faiz", - SOCAR-ın rəsmi internet-saytında yazılır.