Azərbaycan, Bakı, 08 iyun / Trend , müxbir E.İsmayılov /
"Gürcüstan tikinti şirkətləri hazırda SOCAR Energy Georgia-nın (SOCAR-ın törəmə müəssisəsi) idarəetməsi altında olan 31 qazpaylayıcı şəbəkənin genişləndirilməsinin birinci məhrələsi çərçivəsində, iyunun ortalarında şəbəkələrin tikitntisi və yenidənqurması üzrə təkliflərini təqdim edəcəklər", - bazar ertəsi SOCAR Energy Georgia şirkətinin rəhbəri Mahir Məmmədov deyib.
"İşlərin aparılması üzrə layihələr artıq alınıb və nəzərdən keçirilib. İyunun 15-nə qədər 13 gürcü tikinti şirkəti bizə öz təkliflərini təqdim etməlidir", - Məmmədov deyib. Layihə işlərini də gürcü şirkəti aparıb.
Məmmədov deyib ki, şirkət üç il ərzində abunəçilərin sayını 150 minə qədər artırmaq istəyir.
Bu il ərzində şirkət bu şəbəkələrin abunəçilərinin sayını 56 mindən 60 minə qədər artırmaq istəyir. Birinci mərhələdə daha 15 min abunəçi şəbəkələrə qoşulacaq. Növbəti mərhələlərin layihələrinin hazırlanması davam etdikcə, digər işlər üzrə podratçılar müəyyən ediləcək.
SOCAR-ın idarəsi altında plan şəbəkələrdə sutkalıq qaz istehlakı 5-6 milyon kubmetrdir. İl ərzində bu rəqəm 60-70 milyon kubmetrə çatır. "İl ərzində orta hesabla bir abunəçiyə 1000 kubmetr qaz düşür", - Məmmədov deyib.
Dekabrın 26-da SOCAR və Gürcüstan hökuməti 30 qazpaylayıcı təsərrüfat və qazpaylayıcı şəbəkənin istifadəyə verilməsi barədə müqavilə imzalayıb. Bu şəbəkələr Gürcüstanın Kaxeti, Msxeta-Mtianeti, Şida və Kvemo-Kartli, Acarıstan, Quriya, İmereti, Sameqrelo kimi regionlarını əhatə edir. Bu şəbəkələr 24 şirkət tərəfindən istismar edilib.
"Layihənin realizəsinə ümumi sərmayə həcmi 40 milyon dollardır. Artıq qoyulmuş sərmayələrin həcmi isə üç milyon dolları keçib. Bu vəsaitlərə metal və plasmas borular alınıb, Acarıstanda müəyyən infrastruktur işləri görülüb (Acarıstanın qazlaşdırılması 2008-ci ilin ortalarında başlayıb), müəyyən layihə işləri yerinə yetirilib", - bir müddət əvvəl Məmmədov deyib.
Apreldə SOCAR Energy Georgia şirkəti, həmçinin Gürcüstanın azərbaycanlıların yaşadığı Marneuli rayonunun qazpaylayıcı şəbəkəsini də istifadəyə alıb. Bu daha 31 qaz təsərrüfatı deməkdir.
Məmmədov deyib ki, hazırda bu rayonun qazpaylayıcı şəbəkələri, həmçinin onun infrastrukturu və kadr potensialı öyrənilir.
Əvvəllər bu şəbəkənin sahibi Wissol şirkəti olub. Bu şirkət qazı SOCAR-dan alaraq, onun Marneuli ərazisində satışı ilə məşğul olub. İndi bu istiqamətdə bütün işləri SOCAR Energy Georgia həyata keçirəcək.
Bu paylayıcı şəbəkənin alınması, onların inkişafı və idarə edilməsi 40 milyon dollarlıq sərmayə proqramına daxil edilməyib.
Məqalə müəlllifi ilə əlaqə ünvanı: [email protected]
