Azərbaycan, Bakı, 18 iyun / Trend , müxbir E.İsmayılov /
SOCAR "Lökbatan-Puta-Quşxana" quru ərazilərində ikiölçülü geofiziki tədqiqat işlərini başa çatdırıb", - cümə axşamı SOCAR-da işlərə yaxın mənbə məlumat verib.
"Bu ərazilərdə işlər görülüb və artıq başa çatdırılıb", - mənbə bildirib.
"2D seysmikanın aparılmasında əsas məqsəd məhsuldar plastın və onun altına yığılan çöküntülərin tektonik quruluşunun dəqiqləşdirilməsidir", - mənbə bir müddət əvvəl deyib. Əldə olunan məlumatların işlənməsi və interpretasiyası üzrə işlərin oktyabr-dekabr aylarında başa çatdırılması planlaşdırılır.
"Bu ərazilərdə tədqiqatlar apreldə başlayıb və "dərinlik nöqtəsi" və "sınan dalğa" metodları əsasında aparılıb", - mənbə qeyd edib.
Bu işlərin sifarişçisi qismində SOCAR-ın tərkibinə daxil olan "Azneft" İstehsalat Birliyi çıxış edir.
Məqalə müəllifi ilə əlaqə ünvanı: [email protected]