Azərbaycan, Bakı, 19 avqust / Trend , müxbir E.İsmayılov /
Azərbaycanda bir sıra neft-qaz layihələrinin iştirakçısı olan BP şirkəti bu ildə dövlətə neftin hər barelinə 50 dollar ödəməklə 8,35 milyard dollar verəcək. Bu barədə BP-nin məlumatında deyilir.
2008-ci ildə BP dövlətə 16,3 milyard dollar verib.
Şirkət Azərbaycanın dəniz neft-qaz yataqları bloku "Azəri-Çıraq-Günəşli" və "Şahdəniz" qaz-kondensat yatağının işlənməsi layihəsinin iştirakçısıdır. O, həmçinin "Bakı-Tbilisi-Ceyhan" neft kəməri və "Bakı-Tbilisi-Ərzurum" qaz kəməri layihələrində də iştirak edir.
İlin birinci yarısında BP şirkətinin yerli podratçılar və tədarükçülərlə işlər üzrə xərcləri 516 milyon dollar təşkil edib. Kiçik və orta biznes müəssisələrinə bu məbləğin 69 milyon dolları, dövlət şirkətinə 15 milyon dollar, azərbaycanlı tərəfdaşlar ilə birgə müəssisələrə 103 milyon dollar, ölkədəki xarici tədarükçülərlə işlər üzrə xərclərə isə 329 milyon dollar düşür.
Məqalə müəllifi ilə əlaqə ünvanı: [email protected]
