Azərbaycan, Bakı, 04 sentyabr / Trend , müxbir E.İsmayılov /
Azərbaycanın dəniz yatağı "Neft Daşları"nın 60 illik yubileyi ərəfəsində ARDNŞ (Azərbaycan Respublikası Dövlət Neft Şirkəti) yeni, kanalizasiya tullantılarının bioloji təmizlənməsi qurğusunu istifadəyə verməyi planlaşdırır. Bu barədə cümə günü ARDNŞ-dəki mənbə deyib. Ehtiyatı əhəmiyyətli dərəcədə işlənilən "Neft Daşları" dəniz neft yatağını ARDNŞ müstəqil işləyir.
"Hazırda yeni qurğuların inşası davam etdirilir, işlər başa çatmaq üzrədir və noyabrda "Neft Daşları"nın yubileyinə onun istismara verilməci gözlənilir", - mənbə deyib.
Onun sözlərinə görə, yeni qurğuların təmizləmə gücü sutkada 400 kubmetr təşkil edir.
ARDNŞ geoloqlarının qiymətləndirməsinə görə, "Neft Daşları" yatağında neftin qalan həcmi 30 milyon tondur. "Neft Daşları" Azərbaycanın dənzidə neft hasilatına başladığı ilk yataqdır. Bu il yataqda ümumilikdə 21 quyunun qazılması planlaşdırılır.
Azərbaycanda 57 neft-qaz yatağı var. Onlardan 18-i dənizdə, qalanları quruda yerləşir. ARDNŞ-in əməkdaş ştatı hazırda 62 min nəfərdən çox təşkil edir.
Məqalə müəllifi ilə əlaqə ünvanı: [email protected]