Türkmənistan, Aşqabad, 08 sentyabr / Trend , müxbir H.Həsənov /
Aşqabadda Xəzəryanı ölkələrin forumu keçirilir. Forumun məqsədi yerüstü mənbələrdən və quruda həyata keçirilən fəaliyyət nəticəsində Xəzərin çirklənmədən mühafizəsi üzrə Protokolun yekun versiyasının hazırlanmasıdır.
Xəzərin ətrafında Azərbaycan, Rusiya, Qazaxıstan, İran və Türkmənistan yerləşir. Forumun təşkilatçıları qismində BMT, Avropa Birliyi və Türkmənistan Təbiət Nazirliyinin strukturları çıxış ediblər. İşdə Tehran Konvensiyasının müvəqqəti katibliyinin rəhbərləri iştirak ediblər.
Məlum olduğu kimi, hazırda Xəzərin ekoloji təhlükəsizliyinin hüquqi mühafizəsini 2003-cü ildə qüvvəyə minən Çərçivə (Tehran) Konvensiyası təmin edir. Bu, bu günədək Xəzər regionu üzrə bu qəbildən yeganə çoxtərəfli sənəddir.
Konvensiyanın müddəaları planetdə ən iri daxili su hövzəsini onun unikal təbii və hidroloji mühiti ilə qorunması, sahilboyu ərazilərinin davamlı inkişafının təmin edilməsi üzrə beynəlxalq ictimaiyyətin səylərinin birləşdirilməsinə yönəldilib.
"Xəzər sahillərinin intensiv istifadəsi, neft və qaz sənayesinin yüksək artım tempi, boru kəmərləri və nəqliyyat yolları şəbəkələrinin çoxalması, bunlarsız bu gün regionun iqtisadi inkişafı mümkün deyil. Bu faktorlar konvensiyanın ilk baza sənədi - Xəzər dənizinin mühafizəsi üzrə Protokolun işlənməsinin zəruriliyinə səbəb olub", - forum təşkilatçılarının şərhində deyilir.
Protokolun qəbul edilməsi təsərrüfat fəaliyyətinin nəzarət olunan növlərini və çirklənmiş maddələrin kateqoriyalarını, bu maddələrin tullanmasına və onların atmosferdən keçirilməsinə nəzarət formalarının müəyyənləşdirilməsinə, keyfiyyətli ekoloji standardların işlənməsinə, ümumi rəhbər prinsiplərin təsdiqinə müasir ekoloji təhlükəsiz texnilogiyaların tətbiqinə imkan verəcək. Protokolun imzalanması Astanada 2010-cu ildə planlaşdırılır.
Məqalə müəllifi ilə əlaqə ünvanı: [email protected]
